മഴ പെയ്യുകയാണ്

മഴ പെയ്യുകയാണ് ...
കടൽക്കരയിൽ  തിരകളെത്തുമ്പോൾ ,
മാനത്ത്  കാർമേഘം കൂടി ,
ഒരിടിവേട്ടോട്കൂടി ,
വർഷം പെയ്തിറങ്ങി .
തിരകളിൻ ഭംഗിക്ക് മാറ്റ്കൂട്ടാൻ
അവൾ  ചന്നംപിന്നം  തുള്ളിച്ചാടി .
കാർമേഘപാളികൾ  നീലനിറത്തിന്നാ-
ഴത്തിനോ  പകിട്ടേകുകയായ് .

കടലലകൾ ആർത്തിരമ്പുമ്പോഴും ,
മിന്നൽപ്പിണർ കത്തിപ്പായുമ്പോഴും ,
ഒന്നുമേ  വകവെയ്ക്കാതെ ,
ആർക്കും കാത്തുനിൽക്കാതെ ,
അവൾ  പെയ്യുകയാണ് .




ഏകാകിയായ്‌  ഞാനും  അവർക്കൊപ്പം
എൻറെ കണ്ണുനീർത്തുള്ളിയാൽ  മത്സരിച്ചു .
നീലക്കുടയുടെ  ശീലകൾപോലും
എൻറെ കണ്‍നിറഞ്ഞതിൽ  ആഹ്ലാദിച്ചു .

ഇടിമിന്നൽ  എന്നുടെ ഹൃദയതാളത്തോ-
ടൊത്തു  മത്സരിച്ചു പരാജയിച്ചു .
കാർമേഘമോ എൻറെ  നെഞ്ചിന്റെ
മൂടലിൽ  കൂട്ടുതന്നു .

ആഴിയും  മഴയും  ചുടുകണ്ണീരുമിന്ന്
ആർത്തുകൊണ്ടിതാ  പെയ്യുകയായ് .
അതെ, മഴ  പെയ്യുകയാണ് .
കടലിലും ,കരയിലും,എന്റെ ഹൃദയത്തിലും ..